आजको मौसमः यी स्थानमा मेघगर्जन र चट्याङसहित वर्षा

गतिविधिहरु

गृहपृष्ठ
गतिविधिहरु
आजको मौसमः यी स्थानमा मेघगर्जन र चट्याङसहित वर्षा

आजको मौसमः यी स्थानमा मेघगर्जन र चट्याङसहित वर्षा

बुधबार, चैत २१, २०८० निर्माणपाटी संवाददाता

काठमाडौं। पश्चिमी र स्थानीय वायुको आंशिक प्रभाव रहँदा बुधबार बिहान सुदूरपश्चिम प्रदेशलगायत देशका पहाडी भूभागमा आंशिक बदली छ। बाँकी भूभागमा मौसम मुख्यतया सफा रहने मौसम पूर्वानुमान महाशाखाले जनाएको छ।

महाशाखाका अनुसार दिउँसो सुदूरपश्चिम, कर्णाली प्रदेश लगायत देशका पहाडी भूभागमा आंशिकदेखि साधारणतया बदली रहनेछ। कोशी, बागमती, गण्डकी र कर्णाली प्रदेशका पहाडी भूभागका एकदुई स्थानमा मेघगर्जन र चट्याङसहित हल्का वर्षाको सम्भावना छ। उच्च पहाडी तथा हिमाली भूभागका एकदुई स्थानमा हल्का हिमपातको सम्भावना छ।

राति सुदूरपश्चिम र कर्णाली प्रदेशका पहाडी भूभागमा आंशिकदेखि साधारणतया बदली रही बाँकी भूभागमा आंशिक बदलीदेखि मुख्यतया सफा रहनेछ।

प्रकाशित मिति: बुधबार, चैत २१, २०८० ०७:११

प्रतिक्रिया दिनुहोस्