फोहोरबाटै ग्याँस र मल उत्पादन गरी आर्थिक विकास र रोजगारी सिर्जना गरौँ : मन्त्री चौधरी

फोहोर व्यवस्थापन

गृहपृष्ठ
फोहोर व्यवस्थापन
फोहोरबाटै ग्याँस र मल उत्पादन गरी आर्थिक विकास र रोजगारी सिर्जना गरौँ : मन्त्री चौधरी

फोहोरबाटै ग्याँस र मल उत्पादन गरी आर्थिक विकास र रोजगारी सिर्जना गरौँ : मन्त्री चौधरी

बुधबार, असार २९, २०७९ निर्माणपाटी संवाददाता

काठमाडौं। सहरी विकास मन्त्री मेटमणि चौधरीले फोहोरबाटै ग्याँस, मल लगायत पदार्थको उत्पादन गरी आर्थिक विकास र रोजगारी समेत सिर्जना गर्ने बताएका छन्।

मन्त्रालयमा आयोजित फोहारमैला व्यवस्थापनमा क्रियाशील नेपालकै पहिलो कम्पनी भेन्चर वेष्ट टु इनर्जीको विज्ञ टोलीसँग दिउँसो सहरी मन्त्री मेटमणि चौधरीले फोहोरको दीर्घकालीन समाधान गर्ने बताएका हुन्।

फोहोर व्यवस्थापनमा गम्भीर देखिएका मन्त्री चौधरीले भने, ‘हामीले गफ धेरै गर्यौँ। अब काम गरौँ। काठमाडौँको फोहोर मात्रै होइन देशैभरिको फोहोरलाई व्यवस्थित ढंगले व्यवस्थापन गरौँ। फोहोरबाटै ग्याँस, मल लगायत पदार्थको उत्पादन गरी आर्थिक विकास र रोजगारी समेत सिर्जना गर्नेतिर ध्यान दिनतर्फ सोचौँ । मन्त्रालय फोहोरको स्थायी समाधान गर्न तयार छ।’

भेन्चर वेष्ट टु इनर्जीले नेपालमा ५५ देखि ६५ प्रतिशत सम्म कुहिने फोहोर, २५ प्रतिशतसम्म रिसाइकल योग्य फोहोर र बाँकी काम नलाग्ने खालको फोहोर उत्पादन हुने बताएको थियो। काठमाडौँमा मात्र फोहोरबाट वर्षेनी ६८ लाख लिटर पेट्रोल विस्थापित गर्न सकिने अनुमान प्रक्षेपण गरेको छ भने दैनिक १५ टन मल उत्पादन हुन सकिने जनाएको छ।

धरान उपमहानगरपालिकासँगको सहकार्यमा फोहोर व्यवस्थापन गरिरहेको उक्त संस्थाले हालै दैनिक रुपमा फोहारमैलाबाट जैविक इन्धन उत्पादन गर्न शुरु गरेको छ।

प्रकाशित मिति: बुधबार, असार २९, २०७९ ०८:०३

प्रतिक्रिया दिनुहोस्