४७ वर्षसम्म अलपत्र बनेको पोखरा बसपार्कको निर्माण प्रक्रिया सुरु

अन्य

गृहपृष्ठ
अन्य
४७ वर्षसम्म अलपत्र बनेको पोखरा बसपार्कको निर्माण प्रक्रिया सुरु

४७ वर्षसम्म अलपत्र बनेको पोखरा बसपार्कको निर्माण प्रक्रिया सुरु

शुक्रबार, असार १७, २०७९ निर्माणपाटी संवाददाता

पोखरा। जग्गा अधिग्रहण भएको झन्डै ४७ वर्षसम्म अलपत्र परेको पोखरा बसपार्क निर्माण प्रक्रिया अघि बढेको छ। तत्कालै नाला निर्माण र ग्राभेलको काम अघि बढेको हो।

अहिले जग्गा सम्याउने काम थालिएको बताइएको छ। आधा भागमा ग्राभेल हालेर सम्याउने काम भएको छ भने पश्चिम भागमा नाला निर्माण गरिएको छ।

बसपार्कलाई कम्तीमा यो वर्ष धुलो र हिलोमुक्त बनाउने बताइएको छ। नाला निर्माण र ग्राभेलको काम भैरहेको छ। प्रदेश सरकारले र पोखरा महानगरले मिलेर काम सुरु गरिएको हो। नाला निर्माणमा प्रदेश सरकारले सहयोग गरेको छ। पोखराका मेयर धनराज आचार्य र वडा नम्बर ९ का अध्यक्ष दीपेन्द्र मर्सानीले बसपार्कको निरिक्षण गरेका छन्।

ग्राभेल सकिएपछि बाँकी रहेका समस्या सुल्झाएर डीपीआर निर्माण गर्ने र सिटी बसपार्कको रूपमा स्थापित गरिने आचार्यले बताए।

प्रकाशित मिति: शुक्रबार, असार १७, २०७९ ०६:०५

#बसपार्क

प्रतिक्रिया दिनुहोस्