धादिङ–काठमाडौँ सुरुङमार्गः ५६ प्रतिशत प्रगति

सडक तथा पुल

गृहपृष्ठ
सडक तथा पुल
धादिङ–काठमाडौँ सुरुङमार्गः ५६ प्रतिशत प्रगति

धादिङ–काठमाडौँ सुरुङमार्गः ५६ प्रतिशत प्रगति

बुधबार, असार २२, २०७९ निर्माणपाटी संवाददाता

काठमाडौं। निर्माणाधिन नागढुंगा–सिस्नेखोला सुरुङमार्गको समग्र प्रगति ५६ प्रतिशत पुगेको छ। मंगलबार आयोजनाले प्रगति विवरण जारी गर्दै काठमाडौँ र धादिङ दुवैतर्फ मुख्य सुरुङमार्ग २ हजार ६ सय ८८ मिटर र निकासी सुरुङमार्ग २५ सय ५७ मिटर सुरुङ खन्ने काम पूरा भएको जनाएको हो।

आयोजनाको भौतिक प्रगति ३९ प्रतिशत पुगेको छ भने वित्तीय प्रगति ४५।५ प्रतिशत र समग्र प्रगति ५६ प्रतिशत पुगेको हो। मुख्य सुरुङमार्गको फिनिसिङ अर्थात् कंक्रिट लाइनिङको काम सुरु गरिएको आयोजनाले जनाएको छ।

सुरुङ छेड्ने कामसँगै आयोजनाले कंक्रिट लाइनिङ (फिनिसिङ)को काम समेत तिव्रताका साथ अघि बढाएको हो। हालसम्म मुख्य, सहायक सुरुङ वर्किङ अडिट र क्रस प्यासेज गरी ५४ सय ९९ मिटर सुरुङ खन्ने काम सम्पन्न भएको प्रगति विवरण आयोजनाले सार्वजनिक गरेको छ।

प्रकाशित मिति: बुधबार, असार २२, २०७९ १३:४३

#सुरुङमार्ग

प्रतिक्रिया दिनुहोस्