चालक निदाउदा बिवाहको गाडी दुर्घटनाः बेहुला बेहुली सहित ५ जना घाइते

अन्य

गृहपृष्ठ
अन्य
चालक निदाउदा बिवाहको गाडी दुर्घटनाः बेहुला बेहुली सहित ५ जना घाइते

चालक निदाउदा बिवाहको गाडी दुर्घटनाः बेहुला बेहुली सहित ५ जना घाइते

आइतबार, जेठ २९, २०७९ निर्माणपाटी संवाददाता

इटहरी। सङ्खुवासभाको सभापोखरीबाट बेहुला बेहुली सहित आफन्त बोकेर गुडेको बिवाहको टाटा सुमो गाडी इटहरी २० तरहरास्थित पानीपियामा दुर्घटना हुदा बेहुला बेहुली सहित ५ जना घाइते भएका छन। प्रदेश एक ट्राफिक प्रहरी कार्यालय इटहरीका अनुसार चालक निदाउदा भएको दुर्घटनामा बेहुला बेहुली सहित ५ जना घाइते भएका हुन।

घाइते मध्ये दुइ जनाको अवस्था गम्भिर रहेको प्रहरीले जनाएको छ। संखुवासभाको सभापोखरीबाट मोरङको सुन्दरहरैंचा आउदै गरेको मे १ ज १९८६ नम्बरको सुमो आफैँ अनियन्त्रित भई सडकबाट १० मिटरजति तल खसेर रुखमा ठोक्किएको ट्राफिक प्रहरीको भनाइ छ।

दुर्घटनामा चालक सुन्दरहरैँचा नगरपालिका–९ का ३३ वर्षीय कुमार कार्की, बेहुला सुन्दरहरैँचा–१० का २४ वर्षीय सविन आलेमगर, बेहुलाका बुवा ६४ वर्षीय यामबहादुर आलेमगर, बेहुली सङ्खुवासभाको सभापोखरी गाउँपालिका–१ की २४ वर्षीया सङ्गीता मगर र गाडीमा सवार इटहरी–३ का ४५ वर्षीय भक्तबहादुर मगर घाइते भएका छन्। घाइते मध्ये बेहुली र बेहुलाका बुवाको अवस्था गम्भिर रहेको प्रहरीले जनाएको छ।

घाइते सबैको धरानस्थित बिपी प्रतिस्ठानमा उपचार भइरहेको प्रदेश एक ट्राफिक प्रहरी कार्यालय इटहरीले जनाएको छ।

प्रकाशित मिति: आइतबार, जेठ २९, २०७९ ०८:३५

#दुर्घटना

प्रतिक्रिया दिनुहोस्