काठमाडौं महानगरबाट सञ्चालित पूर्वाधार एम्बुलेन्सको प्रयोग बिहान बेलुका मात्रै

अन्य

गृहपृष्ठ
अन्य
काठमाडौं महानगरबाट सञ्चालित पूर्वाधार एम्बुलेन्सको प्रयोग बिहान बेलुका मात्रै

काठमाडौं महानगरबाट सञ्चालित पूर्वाधार एम्बुलेन्सको प्रयोग बिहान बेलुका मात्रै

आइतबार, असार ५, २०७९ निर्माणपाटी संवाददाता

काठमाडौं। काठमाडौँ महानगरपालिकाले केही दिनदेखि सञ्चालनमा ल्याएको पूर्वाधार एम्बुलेन्सको प्रयोग अब बिहान र बेलुमा मात्र गरिने भएको छ। दिउँसोको समयमा सडकमा मर्मतको काम गर्दा ट्राफिक व्यवस्थापनमा समस्या हुन थालेपछि कामपाले बिहान र साँझ मात्र सडकको खाल्डो पुर्ने भएको हो।

महानगर प्रमुख बालेन्द्र साहको निर्देशनअनुसार विगत एक हप्तादेखि पूर्वाधार एम्बुलेन्स सञ्चालनमा आएको हो। यसको प्रयोग सडकका खाल्डा पुर्न गरिँदै छ। यसअघि फोहर बोक्ने दुई गाडीलाई रङ्ग लगाएर टिलिक्क बनाएपछि यसले गर्ने काम पनि बदलिएको हो। महानगरका इन्जिनियर कामदारसहित ६ जनाको टोली नागरिकको गुनासोअनुसार टोल–टोलमा पुगेर सडकको मर्मतको काम भइरहेको छ।

कामपाको भौतिक पूर्वाधार विभागका अनुसार कल सेन्टरमार्फत सडक पेटी, ढल, इँटा, ब्लकहरु बिग्रेको र भत्केको गुनासो आउनासाथ उक्त टोली तत्काल पुगेर काम सुरु गर्ने गरेको छ। अहिलेसम्म डल्लु, नयाँ बानेश्वर, बुद्धनगर र बालुवाटार क्षेत्रबाट धेरै गुनासो आएकाले उक्त क्षेत्रमा काम भइरहेको छ।

तीन दिनदेखि काठमाडौँमा यान्त्रिक कुचो (ब्रुमर) पुनः सञ्चालमा आएको छ। विगतमा सञ्चालन भएको तर चालकको करार अवधि सकिएकाले ब्रुमर दुई महिनादेखि सञ्चालनमा आउन सकेको थिएन।

प्रकाशित मिति: आइतबार, असार ५, २०७९ २०:०२

#एम्बुलेन्स

प्रतिक्रिया दिनुहोस्