ककनीमा प्रकाश दाहालको शालिक अनावरण

अन्य

गृहपृष्ठ
अन्य
ककनीमा प्रकाश दाहालको शालिक अनावरण

ककनीमा प्रकाश दाहालको शालिक अनावरण

शुक्रबार, असार १७, २०७९ निर्माणपाटी संवाददाता

काठमाडौं। सगरमाथा आरोहण गरेका प्रकाश दाहाल (साकार) को शालिक नुवाकोटको ककनीमा निर्माण गरिएको छ। दाहालको शालिक नेपाल पर्वतारोहण संघले निर्माण गरेको हो।

माओवादी केन्द्रका अध्यक्ष पुष्पकमल दाहाल ‘प्रचण्ड’ले आज बिहान शालिक अनावरण गरेका छन्।

सोही शालिक प्रकाश दाहालको जन्मदिनको अवसर पारेर आज बिहान अनावरण गरिएको हो। शालिक राखिएको स्तम्भमा प्रकाश दाहालको जीवनीसमेत अंकित छ।

२०६६ सालमा सुरु भएको लुम्बिनी–सगरमाथा अभियान अन्तर्गत २०६९ साल जेठ १३ गते कृष्ण केसी नेतृत्वमा प्रकाश दाहाल, विना मगर, सरल सहयात्री, युवराज दुलाल (शरद), शिव डाँगी लगायतले सगरमाथाको सफल आरोहण गरेका थिए।

प्रकाश दाहाल प्रचण्डको कान्छो सन्तान हुन्। २०७४ साल मंसिर ३ गते उनको निधन भएको थियो।

प्रकाशित मिति: शुक्रबार, असार १७, २०७९ १८:०४

#शालिक

प्रतिक्रिया दिनुहोस्