जब चिनियाँ लडाकु विमान एलएसीमाथिबाट उड्यो‍...

अन्तरार्ष्ट्रिय

गृहपृष्ठ
अन्तरार्ष्ट्रिय
जब चिनियाँ लडाकु विमान एलएसीमाथिबाट उड्यो‍...

जब चिनियाँ लडाकु विमान एलएसीमाथिबाट उड्यो‍...

शनिबार, असार २५, २०७९ एजेन्सी

एजेन्सी। गत जुन महिनामा पूर्वी लद्दाखको एलएसीमा एक चिनियाँ लडाकु विमान विवादित क्षेत्रको धेरै नजिकबाट उडेपछि भारतीय वायुसेना सतर्क भयो। सेनाले प्रतिरक्षा प्रणाली र लडाकू विमान तैनाथ गर्न थाल्यो । यो घटना २८ जुनको हो, जब पहिले नै चलिरहेको गतिरोधका बीच दुई देशबीच बढ्दो टकरावको स्थिति बनेको थियो।

अङ्ग्रेजी अखबार टाइम्स अफ इन्डियाको पहिलो पृष्ठमा यो समाचार प्रकाशित गर्दै भनेको छ, ‘२८ जुनको बिहान चिनियाँ लडाकु विमानले तनावको बिन्दुमा भारतीय सेनाको धेरै नजिक उडेको थियो। यसपछि भारतीय वायुसेनाले तुरुन्तै चिनियाँ समकक्ष समक्ष मुद्दा उठायो।’

स्रोतका अनुसार, ‘चिनियाँ विमानहरू नजिक आएसँगै वायुसेनालाई सतर्क गराइएको थियो र भारतका लडाकु विमानहरू पनि तयार थिए, तर त्यसपछि चिनियाँ विमान आफ्नो सीमामा फर्कियो ।’

यो घटना यस्तो बेला भएको थियो जब चीनको पिपुल्स लिबरेशन आर्मी र वायुसेनाले पूर्वी लद्दाखमा आफ्नो नियन्त्रणमा रहेको क्षेत्रमा अभ्यास गरिरहेका थिए । भारतले आरोप लगायो कि सन् २०२० मा अप्रिलमे महिनामा नै यस्तै अभ्यासमा चिनियाँ सेनाले पूर्वी लद्दाखको भारतीय क्षेत्रमा घुसपैठ गरेको थियो। त्यसयता दुवै देशले विवादित स्थानमा ठूलो संख्यामा सेना तैनाथ गरेका छन् ।

प्रकाशित मिति: शनिबार, असार २५, २०७९ १५:३०

प्रतिक्रिया दिनुहोस्