ओखलढुंगा । ओखलढुंगामा स्कारपियो दुर्घटनामा परेर चालकको मृत्यु भएको छ । जिल्लाको मोलुङ गाउँपालिका–५ ओखरबोटस्थित सडकमा प्राप्चाबाट खोलाखर्क तर्फ आयु मोलुङ हाईड्रोपावर कम्पनीको कर्मचारी लिई जाँदै गरेको बा.२० च ४८६२ नम्बरको स्कारपियो गाडी दुर्घटना हुँदा चालक मोरङ घर भएका २६ वर्षीय गणेश रसाईलीको घट्नास्थलमै मृत्यु भएको हो ।
गाडी अनियन्त्रित भई सडकबाट अन्दाजी १ सय फिट तल खसेर दुर्घटना भएको प्रहरीले अनुमान गरेको छ । गाडीमा सवार ५ जना घाइते भएका छन् । घाइतेमध्ये २ जनाको सामुदायिक मिसन अस्पतालमा उपचारको भइरहेको छ भने ३ जनालाई थप उपचारको लागि काठमाडौँतर्फ पठाइएको छ । दुर्घटनाका सम्बन्धमा प्रहरीले आवश्यक अनुसन्धान भैरहेको बताएको छ ।
