काठेपुलमा यातायात सञ्चालन, पानीको सतह बढ्दा जोखिम

सडक तथा पुल

गृहपृष्ठ
सडक तथा पुल
काठेपुलमा यातायात सञ्चालन, पानीको सतह बढ्दा जोखिम

काठेपुलमा यातायात सञ्चालन, पानीको सतह बढ्दा जोखिम

सोमबार, असार २७, २०७९ निर्माणपाटी संवाददाता

काठमाडौं। अस्थायी रुपमा यातायात सुचारु गर्न निर्माण गरिएको काठेपुुल खोलामा बढेको पानीको बहाबले बगाउने जोखिम बढेको छ। कर्णाली करिडोर अन्तर्गतको सिमकोट हिल्सा सडकको हेक्पा खोलामा निर्माण गरिएको काठेपुुलमाथि खोलाको पानी बग्न थालेपछि बगाउने जोखिम बढेको हो।

नाम्खा गाउँपालिका–१ को गाडापारी गाउँका मिमबहादुुर लामाले हेक्पा खोलामा बढेको पानीको बहालले यातायात सञ्चालन भई रहेको काठेपुुल बगाउने खतरा बढेको बताए। पुल माथि बगेको पानी मै हाल यातायातका साधान सञ्चालन हुँदै आएका छन्। सो पुल खोलामा पक्की पुल निर्माण कार्य भई रहेको कारण अस्थायी रुपमा यातायात सञ्चालन गर्न दुुई वर्ष अगाडि निर्माण गरिएको हो।

खोलाको बगर क्षेत्रमा काठेपुुल लगाएको तर बगरमा तटबन्धन नगरिएको कारण यो समस्या आएको उनले बताए। खोलाको पानी पुलमाथि बगेपछि हाल यातायातका साधन सञ्चालन भई रहेका छन्। उक्त पुल निर्माण गरेको पूर्वाधार विकास कार्यालयका प्रमुख देवी ऐडीले खोलाको पानी बढेर पुललाई समस्या सृजना गरेको स्वीकार गर्दै पक्की पुलको पिलर बनी रहेको कारण यो समस्या आएको बताए। उनले पिलरको काम सम्पन्न भएको भए हाल काठेपुुलमाथि पानी बग्ने क्षेत्रमा तटबन्धन निर्माण गर्न सकिने बताए। तत्कालका लागि कार्यालयसँग पानी हटाउने र तटबन्धन निर्माण गर्ने कुनै उपाय समेत नभएको उनले बताए।

पुुल बगाएमा उत्तरी हुुम्ला हिल्सा र लिमी लाप्चा जाने यातायातका साधन बन्द हुनेछन्। हाल दैनिद १५ भन्दा बढी यातायातका साधन सञ्चालन हुँदै आएका छन्। गोरखापत्रबाट

प्रकाशित मिति: सोमबार, असार २७, २०७९ २०:०३

#काठेपुुल

प्रतिक्रिया दिनुहोस्