जनकपुरधामको विकासका लागि भारतले एक सय करोड उपलब्ध गराउने

संस्कृति तथा पुरातत्व

गृहपृष्ठ
संस्कृति तथा पुरातत्व
जनकपुरधामको विकासका लागि भारतले एक सय करोड उपलब्ध गराउने

जनकपुरधामको विकासका लागि भारतले एक सय करोड उपलब्ध गराउने

बिहीबार, मंसिर २, २०७८ निर्माणपाटी संवाददाता

काठमाडौं । जनकपुरधाम क्षेत्रको विकासका लागि भारत सरकारले एक सय करोड रकम उपलब्ध गराउने भएको छ ।

भारतीय जनता पार्टीका प्रवक्ता विजय सोन्कर शास्त्रीले भारतीय प्रधानमन्त्री नरेन्द्र मोदीले जनकपुरधाम क्षेत्रको विकासका लागि घोषणा गरेको एक सय करोड छिट्टै उपलब्ध हुने बताएका हुन्।

धार्मिक भ्रमणका क्रममा जनकपुरधाम आइपुगेका उनले सञ्चारकर्मीसँगको सङ्क्षिप्त कुराकानीमा नेपाल र भारतको सम्बन्ध पौराणिक र ऐतिहासिक रहेको चर्चा गर्दै प्रधानमन्त्रीको घोषणा बमोजिमको रकम चाँडै नै भारत सरकारले उपलब्ध गराउने जनाएका हुन् ।

प्रवक्ता शास्त्रीले रामायण सर्किट रेल्वे योजनामा जनकपुरधाम पनि रहेको उल्लेख गरे । पूजा अर्चनाका लागि जानकी मन्दिर पुगेका शास्त्रीलाई मन्दिरका महन्थ रामतपेश्वर दासले गाई तस्करी रोक्न सुझाव दिएका थिए ।

प्रवक्ता शास्त्रीले जनकपुरधाम उपमहानगरपालिका–७ स्थित सवरी कुटीमा दलित समुदायका अगुवा नेताका साथै अन्य राजनीतिक दलका नेतासँग पनि भेटघाट गरेका थिए ।

प्रकाशित मिति: शुक्रबार, मंसिर ३, २०७८ १८:४०