त्रिभुवन विमानस्थलमा आधा घण्टा सबैखाले उडान बन्द

पर्यटन तथा हवाई उड्डयन

गृहपृष्ठ
पर्यटन तथा हवाई उड्डयन
त्रिभुवन विमानस्थलमा आधा घण्टा सबैखाले उडान बन्द

त्रिभुवन विमानस्थलमा आधा घण्टा सबैखाले उडान बन्द

बुधबार, असार १, २०७९ निर्माणपाटी संवाददाता

काठमाडौं। त्रिभुवन अन्तर्राष्‍ट्रिय विमानस्थल आज आधा घण्टा बन्द हुने भएको छ। बुधबार दिउँसो ३ बजेदेखि साढे ३ बजेसम्म हवाई उडानसँग सम्बद्ध संकटकालीन योजनाअनुसार पूर्ण संकटकालीन अभ्यास गर्नुपर्ने भएकाले केही समय नियमित उडान प्रभावित हुने भएको हो।

बुधबार नागरिक उड्ड्यन प्राधिकरण त्रिभुवन अन्तराष्ट्रिय विमानस्थल नागरिक उड्यन कार्यालयले उक्त सूचना जारी गर्दै उडान प्रभावित हुने जनाएको छ। परिकल्पना गरिएको घटनाअनुसार अभ्यासको क्रममा विमानस्थल परिसरमा कुनै वायुयान दुर्घटना भई आगलागी हुने जसको कारण विमानस्थल वरिपरिको आकाशमा काला धुवाँको मुस्लो देखिनेछ।

घटनाको प्रतिकार्यका लागि दमकल, सुरक्षाकर्मी, एम्बुलेन्स तथा अन्य गतिविधिमा तीव्रता आएको देख्न सकिनेछु सूचनामा उल्लेख छ। सो अभ्यासको क्रममा स्थानीय विमानस्थलका नियमित उडान अवतरण प्रभावित हुन सक्नेछन्।

जसमा जनधनको क्षति भने नहुने सूचनामा उल्लेख छ। हेर्दा मात्रै दुर्घटनाजस्तो देखिनेछ। त्यसैले यो समय हवाई सेवाका लागि गएका यात्रुका आफन्तहरू नडराउन पनि आग्रह गरिएको छ।

प्रकाशित मिति: बुधबार, असार १, २०७९ १२:३०

#हवाई

प्रतिक्रिया दिनुहोस्