निर्माण समपन्न नहुँदै भत्किएको पुल एक वर्षसम्म पनी बनेन

सडक तथा पुल

गृहपृष्ठ
सडक तथा पुल
निर्माण समपन्न नहुँदै भत्किएको पुल एक वर्षसम्म पनी बनेन

निर्माण समपन्न नहुँदै भत्किएको पुल एक वर्षसम्म पनी बनेन

आइतबार, असार १९, २०७९ निर्माणपाटी संवाददाता

उदयपुर। भत्किएको एक वर्ष पुग्दा पनि त्रियुगा नदीको पक्की पुल पुनर्निर्माण हुन सकेको छैन। चौदण्डीगढी नगरपालिका– ५ सिवाईघाटमा निर्माण सम्पन्न हुनै लाग्दा पुल भत्किएको थियो। यो विषयमा गरिएको अध्यययन प्रतिवेदन अझै नआउँदा निर्माणमा अन्योल भएको हो।

बाढीले २०७८ असारमा निर्माणको अन्तिम चरणमा रहेको उक्त पुल भत्काइदिएको थियो। बाढीले सञ्चालन गर्ने तयारीमा रहेको पुलको दुई स्पान (३ स्लाब) भत्काएर पानीमा झरेको र एउटा बगाएको थियो। भौतिक पूर्वाधार तथा यातायात मन्त्रालय, सडक विभाग, क्षेत्रीय सडक डिभिजनलगायतका टोलीले अनुगमनरनिरीक्षण गरेका थिए। अनुगमनपछि पुल्चोक इन्जिनियरिङ कलेजलाई अध्यययन गरी प्रतिवेदन तयार पार्ने जिम्मा दिइएको थियो। तर एक वर्ष बित्दा पनि उक्त प्रतिवेदन आएको छैन । त्यसैले पुनः निर्माण वा अन्य विकल्प के गर्ने अन्योल झएको गाईघाट दित्तेल सडक आयोजना प्रमुख इन्जिनियर गोपाल खकुरेलले वताए। उनले भने,‘मन्त्रालय, विभाग, क्षेत्रीय सडक कतैबाट पनि अहिलेसम्म स्पष्ट निर्देशन नहुँदा केही गर्न सकिएन।’ बाढीले भत्काउनु एक साता अघि पुलबाट सर्वसाधारणलाई पैदल यात्राको अनुमति दिइएको थियो।

पक्की पुलबाट नदी वारपार गर्ने धोको यो वर्षामा पनि सम्भव नभएको स्थानीय धमीनीथान सामुदायी वन उपभोक्ता समिति अध्यक्ष शान्ता हमालले बताइन् । हिउँदमा वारपार गर्न सकिने त्रियुगा नदी वर्षामा तर्न सकिँदैन। डुंगाकै भर पर्नुपर्ने हुन्छ। झन्डै १२ वर्ष लगाएर पुल निर्माण गरिएको थियो। पुल नहुँदा चौदण्डीगढी नगरपालिका ५, ९ र १० का स्थानीय वर्षाका ३ महिना डुंगाबाटै नदी तर्न बाध्य छन्। नगरपालिकाको केन्द्र बेल्टार बजारसम्म पुग्न यी वडावासी डुंगाको विकल्पमा सप्तरीको फत्तेपुर वा सदरमुकाम गाईघाट हुँदै आइजाइ गर्नुपर्ने हुन्छ। घुमेर बेल्टार बजार आउनेजाने गर्दा समय र लागतसमेत बढ्ने चौदण्डीगढी नगरपालिका– ५ सुन्दरपुरका वडाध्यक्ष तुलसीराम ढकालले बताए। उदयपुरको सबैभन्दा ठूलो नदी त्रियुगा हो। पुल नहुँदा उदयपुरको मुख्य व्यापारी केन्द्रमध्ये पर्ने बेल्टार बजार ओझेलमा छ। बजारसँग जोडिएको दक्षिण खोटाङका चिसापानी, सिमपानी र खोटाङ बजारलाई समेत असर परेको छ। पुल निर्माणसँगै यी बजारहरू पूर्वपश्चिमा महेन्द्र राजर्माग भएर राष्ट्रिय सडक सञ्जालमा आवद्ध हुन्छ।

बाढीले क्षति पुगेको पुलमा २५र २५ मिटरका १२ स्पान छन्। पुल ३ सय ७ मिटर लम्बाइ र ५ मिटर चौडाइ छ । पुलको निर्माण महालक्ष्मीरलोकप्रिय जेभी कन्स्ट्रक्सन कलाकी काठमाडौंले गरेको हो। पुलको डिजाइन र माटोको परीक्षण काठमाडौं बालाजुस्थित स्वाइल कन्सल्टेन्सी कम्पनीले गरेको थियो। ९ करोड ७६ लाख रुपैयाँको लागतमा सुरु गरिएको पुल पुनर्मूल्यांकन गर्दा भत्किँदाको समय ११ करोड २७ लाख रुपैयाँ पुगेको आयोजनाले जनाएको छ। कान्तिपुरबाट

प्रकाशित मिति: आइतबार, असार १९, २०७९ १३:०१

#पक्की पुल

प्रतिक्रिया दिनुहोस्