धनगढीका लागि उडेको जहाजभित्रै यात्रुले चुरोट तानेपछि...

पर्यटन तथा हवाई उड्डयन

गृहपृष्ठ
पर्यटन तथा हवाई उड्डयन
धनगढीका लागि उडेको जहाजभित्रै यात्रुले चुरोट तानेपछि...

धनगढीका लागि उडेको जहाजभित्रै यात्रुले चुरोट तानेपछि...

बिहीबार, असार ३०, २०७९ निर्माणपाटी संवाददाता

धनगढी। काठमाडौँबाट धनगढीका लागि उडेको जहाजमा एक यात्रुले चुरोट तानेका छन्। बुधबार दिउँसो सवा ३ बजे काठमाडौंबाट धनगढीका लागि उडेको बुद्ध एयरको जहाजमा ती यात्रुले चुरोट तानेका हुन्।

जहाजको शौचालय गएका उनी चुरोट तान्दै सिटमा आएर बसेको एक यात्रुले बताए। उनका अनुसार जहाजमा चुरोटको धुँवा देखिएपछि एकछिन त्यहाँ तनाव सृजना भएको थियो। यात्रुहरुले जहाजमा आगो लागेको आशंका गरेपछि हंगामा भएको यात्रुको भनाइ छ।

जहाज धनगढी विमानस्थलमा ल्यान्ड गरेपछि चुरोट तान्ने कैलालीको टीकापुर घर भएका नारायण उपाध्यायलाई नियन्त्रणमा लिइएको छ। उनलाई धनगढी विमानस्थलमा रहेको प्रहरीले नियन्त्रणमा लिएको हो। अहिले उपाध्यायलाई जिल्ला प्रहरीसमक्ष बुझाउने तयारी थालिएको धनगढी विमानस्थल प्रशासनले बताएको छ।

जहाजमा सलाई, लाइटरसहितका प्रज्वलनशील वस्तु साथमा लैजान पाइँदैन। साथै चुरोट तान्न निषेध गरिएको हुन्छ। यो घटनामा विमानस्थल सुरक्षामा खटिएका सुरक्षाकर्मीको समेत कमजोरी देखिएको छ। यस्ता वस्तु यात्रुको साथमा हुँदा विमान दुर्घटनासम्मको जोखिम हुन्छ।

प्रकाशित मिति: बिहीबार, असार ३०, २०७९ ०७:५०

#जहाज

प्रतिक्रिया दिनुहोस्