जुम्लाकोटमा ‘एक घर एक धारा’ निर्माण, स्थानीयलाई राहत

खानेपानी तथा ढल निकास

गृहपृष्ठ
खानेपानी तथा ढल निकास
जुम्लाकोटमा ‘एक घर एक धारा’ निर्माण, स्थानीयलाई राहत

जुम्लाकोटमा ‘एक घर एक धारा’ निर्माण, स्थानीयलाई राहत

शनिबार, भदौ १८, २०७९ निर्माणपाटी संवाददाता

जुम्ला। जिल्लाको तिला गाउँपालिका– ८ स्थित जुम्लाकोट गाउँमा ‘एक घर एक धारा’ निर्माण गरिएको छ।

अनुकूलन कोषको आर्थिक सहयोग वन तथा वातावरण मन्त्रालय र विश्वखाद्य कार्यक्रमको प्राविधिक सहयोगमा पेस नेपालद्वारा सञ्चालित क्याप्स कर्णाली परियोजनाले एक घर एक धारा कार्यक्रम ल्याएर धारा निर्माण गरिएको हो।

गाउँका प्रत्येक घरमा धारा निर्माण हुँदा स्थानीय बासिन्दालाई राहत भएको छ । एउटै धारोमा घण्टौँसम्म पालो कुरेर बस्नुपर्ने स्थानीयको बाध्यता अहिले अन्त्य भएको छ।

विसं २०५९ मा बनेको धारा जीर्ण भएको र पानीको मुहान सुकेपछि खानेपानीले काकाकुल जस्तै बनेको यो गाउँमा धारा बनेसँगै स्थानीयको ठूलो समस्या समाधान भएको छ।

धारामा पानी आएर स्थानीयले खानेपानीको प्रयोग गरिसकेका छन् । कूल ६९ लाख ९२ हजार रुपैयाँको लागतमा खानेपानी धारा निर्माण भएको छ । बीस घनमिटरको दुई पानी सङ्कलन ट्याङ्की बनेका छन् । अब पानी ल्याउन टाढा जानुपर्दैन । समयको समेत बचत भएको जुम्लाकोटका स्थानीय बासिन्दा बताउँछन् ।

प्रकाशित मिति: शनिबार, भदौ १८, २०७९ १९:१०

प्रतिक्रिया दिनुहोस्