प्रसिद्ध पर्यटकीयस्थल ऐनापहरामा आधुनिक पार्क निर्माण शुरु

पार्क तथा उध्यान

गृहपृष्ठ
पार्क तथा उध्यान
प्रसिद्ध पर्यटकीयस्थल ऐनापहरामा आधुनिक पार्क निर्माण शुरु

प्रसिद्ध पर्यटकीयस्थल ऐनापहरामा आधुनिक पार्क निर्माण शुरु

बिहीबार, पुस ७, २०७९ निर्माणपाटी संवाददाता

काठमाडौं। तनहुँको आँबुखैरेनी गाउँपालिकास्थित प्रसिद्ध पर्यटकीयस्थल ऐनापहरामा आधुनिक पार्क निर्माण गर्न सुरु गरिएको छ। पृथ्वीराजमार्गको नजिकै रहेको ऐनापहरालाई थप व्यवस्थित बनाउन गाउँपालिकाले पार्क निर्माण शुरु गरेको हो।

आँबुखैरेनी गाउँपालिका-२ र ४ को सिमानामा निर्माण गरिने पार्क मङ्गलबार गाउँपालिकाका अध्यक्ष शुक्र चुमानले शिलान्यास गरे ।पार्क निर्माणका लागि गाउँपालिकाले चालु आर्थिक वर्षमा रु एक करोड ४० लाख बजेट विनियोजन गरेको छ ।

गण्डकी प्रदेशको प्रवेशद्वारमा रहेको ऐनापहरामा मनमोहक झरना छ । कलकल बगेको पानी, हरियाली जङ्गल र खोंचबाट झरेको पानीले यहाँ आइपुग्ने पुग्ने जो कसैको पनि मन लोभ्याउँछ । पृथ्वीराजमार्गबाट एक मिनेटको दूरीमा पुगिने यो झरना आकर्षक पर्यटकीयस्थलको रुपमा विकास हुँदै गएको हो ।

राजमार्ग भएर यात्रा गर्ने सर्वसाधारणका लागि विश्रामस्थलको रुपमा ऐनापहरा झरना विकास भइरहेको आँबुखैरेनी गाउँपालिकाले जनाएको छ।

प्रकाशित मिति: बिहीबार, पुस ७, २०७९ १८:०२

प्रतिक्रिया दिनुहोस्