प्रसारण लाइनमा जोडियो घार खोलाबाट उत्पादित विद्युत

ऊर्जा, सिंचाई तथा जलस्रोत

गृहपृष्ठ
ऊर्जा, सिंचाई तथा जलस्रोत
प्रसारण लाइनमा जोडियो घार खोलाबाट उत्पादित विद्युत

प्रसारण लाइनमा जोडियो घार खोलाबाट उत्पादित विद्युत

सोमबार, साउन २२, २०८० निर्माणपाटी संवाददाता

म्याग्दी। म्याग्दीको घार खोला जलविद्युत आयोजनाको विद्युत राष्ट्रिय प्रसारण लाइनमा जोडिएको छ। म्याग्दी जिल्लाको अन्नपूर्ण गाउँपालिका ६ मा निर्माण भएको घार खोला जलविद्युत आयोजनाको १४ मेगावाट विद्युत प्रसारण लाइनमा जोडिएको हो।

सबै संरचना र उपकरणको परीक्षण सफल भई उत्पादित विद्युत् आइतबारदेखि राष्ट्रिय प्रसारण लाइनमा जोडिएको हो ।

म्याग्दी हाइड्रोपावर प्रालिले निर्माण गरेको घार खोला जलविद्युत आयोजनाको परीक्षण सफल भई दाना स्वस्टेसन मार्फत राष्ट्रिय प्रसारण लाइनमा जोडिएको आयोजनाले जनाएको छ। बाँध, क्यानल, सुरुङ, पेनस्टक, टर्वाइन, जेनरेटर, स्वीचार्ड र प्रसारण लाइनलगायत सबै संरचना तथा उपकरणको परीक्षण सफल भएको छ ।१५ दिन भित्र आयोजनाले व्यावसायिक उत्पादन थाल्ने बताइएको छ।

नेपाल विद्युत् प्राधिकरणका प्राविधिक टोलीको उपस्थितिमा गत असार २६ गतेदेखि आयोजनाले परीक्षण उत्पादन थालेको थियो ।

प्रकाशित मिति: सोमबार, साउन २२, २०८० १०:१०

प्रतिक्रिया दिनुहोस्