कास्कीको पर्यटकीय गाँउ धम्पुसमा अन्तराष्ट्रिय कला कार्यशाला सम्पन्न

पर्यटन तथा हवाई उड्डयन

गृहपृष्ठ
पर्यटन तथा हवाई उड्डयन
कास्कीको पर्यटकीय गाँउ धम्पुसमा अन्तराष्ट्रिय कला कार्यशाला सम्पन्न

कास्कीको पर्यटकीय गाँउ धम्पुसमा अन्तराष्ट्रिय कला कार्यशाला सम्पन्न

मंगलबार, मंसिर १९, २०८० निर्माणपाटी संवाददाता

पोखरा। कास्कीको पर्यटकीय गाँउ धम्पुसमा अन्तराष्ट्रिय स्तरको कला कार्यशाला सम्पन्न भएको छ ।जलेश्वर आर्ट फाउण्डेशन ओडिसा र न्युरो आर्ट नेपालको संयुक्त आयोजनामा २ दिनसम्म चलेको कार्यशालामा मंगोलिया, भियतनाम, भारत र नेपालका गरी करिव ४० जना कलाकारले सहभागिता जनाएको कलाकार एवं न्युरो आर्टले जनाएको छ।

कार्यशालाको पहिलो दिन सहभागी कलाकारले धम्पुसको पर्यटकीय पहिचानलाई केन्द्रमा राखी विभिन्न पक्षलाई कला मार्फत चित्रमा उतारेका थिए । कार्यशालाको दोस्रो दिन कला प्रशिक्षण दिईएको बताइएको छ।

कार्यक्रममा न्युरो आर्ट नेपालका अध्यक्ष हरेराम जोशी र कार्यक्रम संयोजक प्रा.डा. निर्मल लामिछानेले न्युरो आर्टका विषयमा सहभागी कलाकारलाई प्रशिक्षण दिएका थिए। वरिष्ठ मनोचिकित्सक समेत रहनुभएका प्रा.डा. लामिछानेले प्रकृतिसँग नजिक भएर गरिने कार्यशालाले थप उर्जा प्रदान गर्ने वताउँदै, अन्र्तराष्ट्रिय स्तरको आर्ट क्याम्प गर्न पाउनु गर्वको विषय रहेको बताए। संस्थाले धम्पुसमा आयोजित कला कार्यशालाले अन्तराष्ट्रिय स्तरमै यस क्षेत्रको प्राकृतिक सुन्दरताको थप प्रचार हुने विश्वास व्यक्त गरेको छ ।

प्रकाशित मिति: मंगलबार, मंसिर १९, २०८० १५:०२

प्रतिक्रिया दिनुहोस्