बड्डीचौर–खम्बगाडेमा डबल कटिङ को काम अन्तिम चरणमा

सडक तथा पुल

गृहपृष्ठ
सडक तथा पुल
बड्डीचौर–खम्बगाडेमा डबल कटिङ को काम अन्तिम चरणमा

बड्डीचौर–खम्बगाडेमा डबल कटिङ को काम अन्तिम चरणमा

शनिबार, चैत २४, २०८० निर्माणपाटी संवाददाता

सुर्खेत। सुर्खेतको बड्डीचौर–खम्बगाडे सडकखण्डमा ‘डबल कटिङ’ को काम अन्तिम चरणमा पुगेको छ । कुल १३ किलोमिटर सडकमध्य ब्युरेनी क्षेत्र छाडेर दुवैतर्फ करिब नौ किलोमिटर सडकको डबल कटिङको काम सकिएको हो ।

वर्षौंदेखि कच्ची र सडकमा खाल्डा बन्दा आवतजावतमा समस्या भोग्दै आएका पश्चिम सुर्खेतका नागरिकलाई सहज यात्राका लागि प्रदेशको पूर्वाधार विकास निर्देशनालयले यो सडक निर्माणको काम गरिरहेको छ तर रुख कटानको अनुमति नहुँदा हाल यो सडकको दुई हजार आठ सय मिटर सडकको कटिङ हुन बाँकी नै छ ।

रुख नभएको क्षेत्रमा लगभग कटिङको काम सकिएको छ । कटिङ सकिएको क्षेत्रमा अहिले नाला निर्माणको कामसमेत अन्तिम चरणमा पुगेको पूर्वाधार विकास निर्देशनालय सुर्खेतका इन्जिनियर हरिप्रसाद धितालले जानकारी दिनुभयो । अहिलेसम्म तीन हजार आठ सय मिटर नाला निर्माणको काम सकिएको छ । बाँकी खण्डको काम पनि भइरहेको र सात वटा कलभर्ट निर्माणको काम सकिएको छ। गोरखापत्र अनलाइनबाट

प्रकाशित मिति: शनिबार, चैत २४, २०८० १५:०५

प्रतिक्रिया दिनुहोस्