खानेपानी संस्थापन कर्मचारी सेवा शर्तसम्बन्धी विनियमावली फिर्ता गर्ने

खानेपानी तथा ढल निकास

गृहपृष्ठ
खानेपानी तथा ढल निकास
खानेपानी संस्थापन कर्मचारी सेवा शर्तसम्बन्धी विनियमावली फिर्ता गर्ने

खानेपानी संस्थापन कर्मचारी सेवा शर्तसम्बन्धी विनियमावली फिर्ता गर्ने

सोमबार, चैत २६, २०८० निर्माणपाटी संवाददाता

काठमाडौं। सरकारले नेपाल खानेपानी संस्थापन कर्मचारी सेवा शर्तसम्बन्धी विनियमावली, २०८० सम्बन्धित मन्त्रालयमा फिर्ता गर्ने भएको छ। मन्त्रीपरिषद्को बिहीबार बसेको बैठकले नेपाल खानेपानी संस्थापन कर्मचारी सेवा शर्तसम्बन्धी विनियमावली, २०८० सम्बन्धित मन्त्रालयमा फिर्ता गर्ने निर्णय गरेको सरकारकी प्रवक्ता रेखा शर्माले जानकारी दिएकी छन्।

त्यसैगरी बैठकले ठूला आयोजना कार्यान्वयन अनुगमन तथा सहजीकरण निर्देशिका, २०८० लाई स्वीकृत गर्ने निर्णय गरेको छ ।

यस्तै, बैठकले नेपाल सरकार र अन्य मुलुकबीच गरिने द्विपक्षीय लगानी सम्झौताको नमुना ढाँचा स्वीकृत गर्ने निर्णय गरेको छ । बैठकले राष्ट्रिय तथ्याङ्क कार्यालयको सचिव तोयम राया र नेपाल वनसेवा, फरेष्ट रिसर्च समूहका सहसचिव सावित्री अर्यालको राजीनामा स्वीकृत गरेको मन्त्री शर्माले जानकारी दिइन् ।

प्रकाशित मिति: सोमबार, चैत २६, २०८० १३:०२

प्रतिक्रिया दिनुहोस्