आँपचौर–शान्तिपुर सडकमा तीन साताका लागि सवारी आवागमन बन्द

सडक तथा पुल

गृहपृष्ठ
सडक तथा पुल
आँपचौर–शान्तिपुर सडकमा तीन साताका लागि सवारी आवागमन बन्द

आँपचौर–शान्तिपुर सडकमा तीन साताका लागि सवारी आवागमन बन्द

बिहीबार, कात्तिक २७, २०८२ निर्माणपाटी संवाददाता

गुल्मी । आँपचौर–शान्तिपुर सडक धमाधम स्तरोन्नति भइरहेको छ । स्तरोन्नतिका लागि आँपचौर–शान्तिपुर सडकअन्तर्गत आँपचौरको इन्द्रेगौडादेखि–शान्तिपुरसम्म तीन साताका निम्ति सवारी आवागमन बन्द भएको छ ।

जिल्ला प्रशासन कार्यालयका अनुसार आजदेखि मङ्सिर १६ गतेसम्म उक्त सडकखण्डमा बिहान ७ देखि ११ बजेसम्म र दिउँसो १२ देखि अपराह्न ५ः३० बजेसम्म सवारीसाधन सञ्चालन गर्न पाइने छैन ।

यही कात्तिक २९ गतेदेखि लाग्ने चक्रेश्वरलाई दृष्टिगत गरी उक्त कार्यालयले सम्बद्ध सबैलाई वैकल्पिक सडक प्रयोग गर्न अनुरोध गरेको छ । उक्त सडक रु ५२ करोडको लागतमा स्तरोन्नति थालिएको ग्रामीण सडक सञ्जाल सुधार आयोजनाका इन्जिनियर तिलकबहादुर गाहले बताए ।

प्रकाशित मिति: बिहीबार, कात्तिक २७, २०८२ १८:०८

प्रतिक्रिया दिनुहोस्