सेल्फी डाँडामा डम्फु पार्क निर्माण

पार्क तथा उध्यान

गृहपृष्ठ
पार्क तथा उध्यान
सेल्फी डाँडामा डम्फु पार्क निर्माण

सेल्फी डाँडामा डम्फु पार्क निर्माण

बुधबार, माघ २६, २०७८ निर्माणपाटी संवाददाता

काठमाडौं। सेल्फी डाँडामा डम्फु पार्क निर्माण गरिएको छ। रामेछाप जिल्लाको सुनापति गाउँपालिका–४ बेथान र वडा नं. ३ हिलेदेवीको सङ्गमस्थल सेल्फी डाँडामा डम्फु पार्क निर्माण गरिएको हो।

वडा नं. ३ को कार्यालयले निर्माण गरेको डम्फु पार्क गाउँपालिकाकै पर्यटकीय गन्तव्यका रूपमा परिचत बन्दै गएको बताइएको छ। लुभु–बेथान–हिलेदेवी–गाल्वा सडकअन्तर्गत सेल्फी डाँडा सडकसँग जोडिएको पार्कमा अहिले आन्तरिक पर्यटकहरू आउनेक्रम बढ्दो छ, यो पार्क गाउँपालिकाकै पर्यटकीय गन्तव्यभित्रको एक रहेको स्थानीयले बताउ।

वडा कार्यालयको २२ लाख रुपियाँभन्दा बढी बजेटमा निर्माण गरिएको डम्फु पार्कमा ठूलो आकर्षक डम्फु र टुङ्ना राखिएको छ।

उक्त पार्कबाट पर्यटकीय गन्तव्य शैलुङ, दोलखाको गौरीशङ्कर हिमाललगायतको क्षेत्रको दृश्यावलोकन गर्न सकिन्छ। पछिल्लो समय सेल्फी डाँडाको रूपमा चिनिँदै आएपछि वडा कार्यालयले तामाङ जातिको संस्कृति झल्किने गरी डम्फु पार्क निर्माण गरेको बताइएको छ।

प्रकाशित मिति: बुधबार, माघ २६, २०७८ १३:००

प्रतिक्रिया दिनुहोस्