बिजुलीका पोल ढलेपछि त्रियुगा र चौदण्डीगढी नगरक्षेत्र अन्धकार

ऊर्जा, सिंचाई तथा जलस्रोत

गृहपृष्ठ
ऊर्जा, सिंचाई तथा जलस्रोत
बिजुलीका पोल ढलेपछि त्रियुगा र चौदण्डीगढी नगरक्षेत्र अन्धकार

बिजुलीका पोल ढलेपछि त्रियुगा र चौदण्डीगढी नगरक्षेत्र अन्धकार

मंगलबार, असार २१, २०७९ निर्माणपाटी संवाददाता

उदयपुर। जिल्लाको त्रियुगा र चौदण्डीगढी नगरपालिका क्षेत्रमा गत शनिबार आएको बाढीले विद्युत्का पोल ढालेपछि ती नगर क्षेत्र सहित अन्य गाउँ अन्धकारमय बन्न पुगेका छन्।

त्रियुगा –२ लुहालेखोलामा आएको बाढीले विद्युत् पोल ढालेपछि अहिले नगरको वडा नं १ जोगीदह, २ को खैजनपुर र ३ को मोतीगडा, चाप, भुल्के गाउँ अन्धकारमय बन्न पुगेका छन्। भुल्केका स्थानीयले पटक–पटक विद्युत् प्राधिकरणलाई ध्यानकर्षण गराउँदा पनि अहिलेसम्म पोल मर्मत नभएको बताए।

शनिबारकै वर्षाको कारण बाढीले चौदण्डीगढी –१ र २ तथा ५, ९ र १० वडा जोड्ने विद्युत् पोल ढालेको थियो। चौनपा–२ रानीवासका स्थानीय भन्छन्, ‘चार दिनदेखि निरन्तर अन्धकारमा बस्दै आएका छौँ, विद्युत् प्राधिकरणलाई पटक–पटक पोल मर्मत गर्न अनुरोधसमेत गरेका छौँ तर अहिलेसम्म बिजुली बलेको छैन।’

प्रकाशित मिति: मंगलबार, असार २१, २०७९ ११:०२

#विद्युत्

प्रतिक्रिया दिनुहोस्