हिमालयन हाइड्रोपावरको आइपिओ आज बाँडफाँट हुने

अन्य

गृहपृष्ठ
अन्य
हिमालयन हाइड्रोपावरको आइपिओ आज बाँडफाँट हुने

हिमालयन हाइड्रोपावरको आइपिओ आज बाँडफाँट हुने

मंगलबार, असार २८, २०७९ निर्माणपाटी संवाददाता

काठमाडौं। हिमालयन हाइड्रोपावर कम्पनीको आइपिओ २८ असारमा बाँडफाँट हुँदैछ। बिक्री प्रबन्धक ग्लोबल आइएमई क्यापिटलका अनुसार आफ्नै कार्यालय नक्साल काठमाडौंमा मंगलबार (२८ असार) बिहान ८ः३० बजे आइपिओ बाँडफाँट गर्ने तयारी गरिएको हो।

हिमालयन हाइड्रोपावरको आइपिओमा मागभन्दा १०।१० गुणा बढी आवेदन परेको छ। यसर्थ, गोलाप्रथाबाट आइपिओ बाँडफाँट हुनेछ। जसमा एक लाख ८३ हजार ४७ जनाले मात्र सेयर हात पार्नेछन्। बाँकी १४ लाख ४९ हजार ७५४ जनाको भने हात खाली हुनेछ।

यसमा कुल १६ लाख ३२ हजार ८०२ जनाले एक करोड ८४ लाख ८८ हजार ४५० कित्ताका लागि आवेदन दिएका छन्। कुल एक अर्ब ८४ करोड ८८ लाख ४५ हजार रुपैयाँ बराबरको आवेदन परेको छ। कम्पनीले १५ देखि १९ असारसम्म १९ करोड ६८ लाख २५ हजार रुपैयाँ बराबरको आईपीओ जारी गरेको हो।

योमध्ये ९८ हजार ४१३ कित्ता सामूहिक लगानी कोष र ३९ हजार ३६५ कित्ता सेयर कर्मचारीहरुका लागि छुट्याइएको थियो। बाँकी १८ लाख ३० हजार ४७२ कित्ताका लागि सर्वसाधारणले आवेदन दिन सक्ने ब्यवस्था थियो। यो आइपिओमा ग्लोबल आइएमई क्यापिटल बिक्री प्रबन्धक रहेको ।

रेटिङ एजेन्सी इक्रा नेपालले हिमालयन हाइड्रोपावरको आइपीओलाई ‘इक्राएनपी इस्यूअर रेटिङ बी प्लस’ प्रदान गरेको छ। जसले कम्पनीको दायित्व बहन गर्ने क्षमतामा औसत जोखिम रहेको जनाउँछ।

प्रकाशित मिति: मंगलबार, असार २८, २०७९ ०८:१६

प्रतिक्रिया दिनुहोस्