काठमाडौं। पहिरो खसेपछि मुग्लिन–नारायणगढ सडक अवरुद्ध भएको छ। आइतबार राति भरतपुर महानगरपालिका वडा नम्बर २९ मा पर्ने घुमाउने नजिकै लेदो माटोसहित पहिरो गएपछि सडक अवरुद्ध बनेको हो।
दुवैतर्फ अवरूद्ध सडक खुलाउने प्रयास भइरहेको प्रहरीले जनाएको छ। अहिले पहिरो पन्छाउने काम भइरहेको जिल्ला प्रहरी कार्यालयका प्रहरी नायब निरीक्षक रविन विष्टले बताए। केही समयमा पहिरो हटाइसक्ने र सडक पुनस् सुचारू गर्ने तयारी छ।
अविरल वर्षापछि लेदोसहित पहिरो खस्दा सडक अवरूद्ध भएको हो।
