अमेरिकाको हवाईमा आगलागी, ५३ जनाको मृत्यु

पर्यटन तथा हवाई उड्डयन

गृहपृष्ठ
पर्यटन तथा हवाई उड्डयन
अमेरिकाको हवाईमा आगलागी, ५३ जनाको मृत्यु

अमेरिकाको हवाईमा आगलागी, ५३ जनाको मृत्यु

शुक्रबार, साउन २६, २०८० निर्माणपाटी संवाददाता

एजेन्सी। अमेरिकाको हवाई टापुमा पर्ने माउई काउन्टीको एक जंगलमा आगलागी भएको छ । आगलागीमा परी अहिलेसम्म ५३ जनाको मृत्यु भएको जनाएको छ ।आगलागीमा परी ऐतिहासिक सहर लहेना नराम्ररी प्रभावित भएको छ । आगलागीमा परी कम्तिमा एक हजार मानिस अझै बेपत्ता रहेको संचार माध्यमले जनाएका छन् ।

हवाई गभर्नर जोस ग्रीनले आफ्नो फेसबुक पेजमा आगलागीको भिडियो शेयर गरेका छन् । उक्त भिडियो फुटेजमा आगलागीबाट शहर भग्नावशेषमा परिणत भएको देख्न सकिन्छ । यो घटनालाई गभर्नर ग्रीनले अत्यन्तै असाधारण र दुखद भन्दै यस आगलागीबाट १ हजारभन्दा बढी भवन जलेर नष्ट हुने अनुमान गरेका छन् । उनले आगलागीलाई राज्यको इतिहासकै सबैभन्दा ठूलो विपद् भनेका छन् । उनले आगलागीमा परी मृत्यु हुनेको सङ्ख्या बढ्न सक्ने बताएका छन् ।

अमेरिकी अन्तरिक्ष एजेन्सी नासाले आगोको परिमाण देखाउने तस्बिर सार्वजनिक गरेको छ भने अमेरिकी राष्ट्रपति जो बाइडेनले हवाईको जंगलमा लागेको आगलागीलाई ठूलो प्रकोप घोषणाको संज्ञा दिएका छन् । आगलागीपछि हजारौं पर्यटक र स्थानीय मानिसहरूलाई अस्थायी आश्रयमा सारिएको अन्तराष्ट्रिय संचार माध्यमले जनाएका छन् ।

प्रकाशित मिति: शुक्रबार, साउन २६, २०८० १३:०२

प्रतिक्रिया दिनुहोस्