इवाखोला जलविद्युत् आयोजनाको पुनर्निर्माण एक महिनाभित्र सकिने

ऊर्जा, सिंचाई तथा जलस्रोत

गृहपृष्ठ
ऊर्जा, सिंचाई तथा जलस्रोत
इवाखोला जलविद्युत् आयोजनाको पुनर्निर्माण एक महिनाभित्र सकिने

इवाखोला जलविद्युत् आयोजनाको पुनर्निर्माण एक महिनाभित्र सकिने

बिहीबार, चैत १, २०८० निर्माणपाटी संवाददाता

ताप्लेजुङ। ९.९ मेगावाट क्षमताको इवाखोला जलविद्युत् आयोजनाको पुनर्निर्माण चैतभित्र सकिने भएको छ । गत असारमा परेको भीषण वर्षापछि आएको बाढीपहिरोले क्षति पुर्‍याएको ताप्लेजुङ र पाँचथरको सिमानाबाट बग्ने इन्द्रावती खोलामा रहेको आयोजनाको पुनर्निर्माण आगामी एक महिनामा पूरा हुने भएको हो।

तत्कालीन रैराङ हाइड्रोपावर कम्पनीको प्रवर्द्धनमा उत्पादित सो जलविद्युत् आयोजनाको बाँध, पाइप लाइन र प्रसारण लाइन र विद्युत्‌गृहमा बाढीपहिरोले क्षति गरेको थियो । जलविद्युत् आयोजनाको विभिन्न संरचना ध्वस्त बनाउँदा तत्कालीन समयमा ७० करोड रुपैयाँ बढी क्षति हुन पुगेको प्रारम्भिक अनुमान गरिएको थियो ।

बाढीपहिरोले क्षति गरेको संरचनाको मर्मत तथा पुनर्निर्माणको काम भने अहिले धमाधम भइरहेको छ। पुनर्निर्माणलाई तीव्रता दिँदै आएको र चैतभित्र सम्पन्न गरी आगामी बैशाखसम्ममा उत्पादन सुरु गर्ने लक्ष्य रहेको कम्पनीले जनाएको छ।

प्रकाशित मिति: बिहीबार, चैत १, २०८० २०:३३

प्रतिक्रिया दिनुहोस्