हेटौंडा सिमेन्ट उद्योगलाई निजकरण गर्न खोजिएको भन्दै विरोध प्रदर्शन

राष्ट्रिय

गृहपृष्ठ
राष्ट्रिय
हेटौंडा सिमेन्ट उद्योगलाई निजकरण गर्न खोजिएको भन्दै विरोध प्रदर्शन

हेटौंडा सिमेन्ट उद्योगलाई निजकरण गर्न खोजिएको भन्दै विरोध प्रदर्शन

बिहीबार, वैशाख २५, २०८२ निर्माणपाटी संवाददाता

काठमाडौं । हेटौंडा सिमेन्ट उद्योगलाई निजकरण गर्न खोजिएको भन्दै विरोध प्रदर्शन गरिएको छ । नेकपा माओवादी केन्द्र जिल्ला समन्वय समिति मकवानपुरले बिहीबार सरकारी स्वामित्वको हेटौंडा सिमेन्ट उद्योगलाई निजकरण गर्ने सरकारी प्रयासको विरोधमा हेटौंडा बजारमा प्रदर्शन गरेको हो ।

माओवादी केन्द्रले प्रमुख जिल्ला अधिकारीमार्फत प्रधानमन्त्री केपी शर्मा ओलीलाई ध्यानाकर्षण पत्र पनि बुझाएको छ । माओवादी केद्रीय सदस्य तथा मकवानपुर इञ्चार्ज विजय गौतमले प्रजिअ स्किम श्रेष्ठलाई ध्यानाकर्षण बुझाउँदै निजीकरणको सरकारी प्रयत्न रोकिनुपर्ने बताए ।

गौतमले भने, ‘मन्त्रिपरिषद्को २०८२ वैशाख १५ गतेको बैठकले हेटौंडा सिमेन्टलगायत केही सरकारी उद्योगहरू निजीकरण गर्ने निर्णय गरेकोमा हाम्रो गम्भीर ध्यानाकर्षण भएको छ । यसले वर्तमान सरकार, जनता र राष्ट्रको हितमा भन्दा पनि मुट्ठी भरका बिचौलियाको हितमा सक्रिय छ भन्ने अर्को पुष्ट्याई गर्न खोजेको छ ।’

हेटौंडा सिमेन्ट उद्योगमा संरचनागत, प्रविधिगत र प्रशासनिक रूपमा आवश्यक सुधारसहित नियमित र व्यवस्थित सञ्चालनको प्रबन्ध गर्न ज्ञापनपत्रमा माग गरिएको छ ।

प्रकाशित मिति: बिहीबार, वैशाख २५, २०८२ १८:५४

प्रतिक्रिया दिनुहोस्