एक करोड ४६ लाख लागतमा विद्यालय भवन निर्माण

भवन तथा शहरी विकास

गृहपृष्ठ
भवन तथा शहरी विकास
एक करोड ४६ लाख लागतमा विद्यालय भवन निर्माण

एक करोड ४६ लाख लागतमा विद्यालय भवन निर्माण

बिहीबार, जेठ २६, २०७९ निर्माणपाटी संवाददाता

काठमाडौं। जापानले झापाको लक्ष्मीनारायण माध्यमिक विद्यालयमा नयाँ निर्माण भएको कक्षाकोठा भवन हस्तान्तरण गरेको छ। झापा जिल्लाको शिवसताक्षी नगरपालिकामा जापान सरकारको सहयोगमा निर्माण भएको नवनिर्मित भवनलाई जापानी राजदूतावासका उपप्रमुख तामुरा ताकाहिरोले हस्तान्तरण गरेका हुन्।

जापान सरकारको निम्नस्तरका मानव सुरक्षा परियोजनाका लागि अनुदान सहयोगअन्तर्गत निर्माण भएको हो। जापान दूतावासद्वारा बुधबार जारी विज्ञप्तिअनुसार उक्त भवनको लागत करिब एक करोड ४६ लाख रुपैयाँ रहेको छ।

महङ्गो लागतमा सुविधा सम्पन्न कक्षाकोठा भवन निर्माण भएको विद्यालयले जनाएको छ। अब पठनपाठन गर्नको लागि कक्षाकोठाको अभाव हुने समस्या समाधान भएको विद्यालयले बताएको छ। सुविधा सम्पन्न विद्यालय भवनमा पढ्न पाउने भएछि विद्यार्थी पनि उत्साहित भएका छन्।

प्रकाशित मिति: बिहीबार, जेठ २६, २०७९ १३:४५

#भवन

प्रतिक्रिया दिनुहोस्