काठमाडौं । नेपाल विद्युत् प्राधिकरणले देशभरबाट ‘टप टेन’ उपभोक्ताको नाम सार्वजनिक गरेको छ । प्राधिकरणले सात वटै प्रदेशबाट १०र१० महत्त्वपूर्ण ग्राहक र देशभरिबाट १० सर्वाधिक महत्त्वपूर्ण ग्राहकको नाम सार्वजनिक गरेको हो ।
अत्यधिक विद्युत् खपत तथा नियमित महसुल भुक्तानी आधार बनाइ प्राधिकरणले आफ्ना सर्वाधिक महत्त्वपूर्ण उपभोक्ताको नाम सार्वजनिक गरेको हो।
प्रत्येक प्रादेशिक कार्यालयबाट १० ग्राहकका दरले ७० तथा देशभरिबाट १० गरी कुल ८० ग्राहकको नाम आफ्नो वेबसाइटमा सार्वजनिक गरेको प्राधिकरणले जनाएको छ ।
प्राधिकरणले तयार पारेको टप टेन उपभोक्तामा सर्वोत्तम स्टिल लिमिटेड, विजयश्री स्टिल्स लिमिटेड, गोयल इस्पात प्रालि, आरती स्ट्रिप्स प्रालि, प्रिमियर स्टिल प्रालि, श्री स्टिल्स प्रालि, होङ्सी शिवम् सिमेन्ट प्रालि, हुलास वायर इन्डस्ट्रिज लिमिटेड, स्वस्तिक रोलिङ मिल्स र जगदम्बा वायर्स प्रालि छन् ।
यसरी छनोट भएका ग्राहकलाई उच्च प्राथमिकतामा राखेर सेवा प्रदान गर्ने प्राधिकरणले जनाएको छ ।
