पुनः बढ्यो गाडी भाडा, कहाँ जान कति?

अन्य

गृहपृष्ठ
अन्य
पुनः बढ्यो गाडी भाडा, कहाँ जान कति?

पुनः बढ्यो गाडी भाडा, कहाँ जान कति?

शुक्रबार, जेठ २७, २०७९ निर्माणपाटी संवाददाता

काठमाडौं। सरकारले सार्वजनिक यातायातको भाडा पुनः वृद्धि गरेको छ। यातायात व्यवस्था विभागले शुक्रबार एक सूचना प्रकाशित गर्दै अन्तर प्रदेश यातायातका यात्रुबाहक तथा मालबाहक सवारीको भाडादर बढेको जानकारी गराएको हो।

११ जेठमा मात्रै विभागले गाडी भाडा २ प्रतिशत घटाएको थियो। नेपाल आयाल निगमले डिजेलको मूल्यमा एकै पटक १२ रुपैयाँ बढाएपछि सरकारले गाडी भाडा समेत बढाउने निर्णय लिएको हो। इन्धनको मूल्य थपघटका आधारमा एकै पटक ५ प्रतिशतले बढेमा वा घटेमा भाडा समायोजना गर्ने नीति रहेको समेत विभागले जनाएको छ। विभागका अनुसार बढेको भाडा ११ जेठबाटै लागू हुने भएको छ।

विभागका अनुसार यात्रुबाहक सवारीको हकमा २.५ प्रतिशत भाडा बढेको छ। पहाडी बाटोमा चल्ने मालबाहक सवारीको हकमा ३.३ प्रतिशत र तराईको बाटोमा चल्ने मालबाहक सवारीमा ३.७ प्रतिशत मूल्य बढेको विभागले जनाएको छ।

अब प्रदेशहरुले पनि यसकै आधारमा छोटो दुरीको सवारी भाडा बढाउनेछन्।

प्रकाशित मिति: शुक्रबार, जेठ २७, २०७९ १६:०५

#भाडा

प्रतिक्रिया दिनुहोस्