अरुण भ्याली हाइड्रोपावरले फागुन १७ देखि हकप्रद सेयर निष्कासन गर्ने

राष्ट्रिय

गृहपृष्ठ
राष्ट्रिय
अरुण भ्याली हाइड्रोपावरले फागुन १७ देखि हकप्रद सेयर निष्कासन गर्ने

अरुण भ्याली हाइड्रोपावरले फागुन १७ देखि हकप्रद सेयर निष्कासन गर्ने

शनिबार, फागुन १२, २०८० निर्माणपाटी संवाददाता

काठमाडौं। अरुण भ्याली हाइड्रोपावर डेभलपमेन्ट कम्पनी लिमिटेडले फागुन १७ गतेदेखि हकप्रद सेयर निष्कासन गर्ने भएको छ। कम्पनीले आफ्ना सेयरधनी सदस्यका लागि छुट्याएको सेयर निष्कासन गर्ने तयारी गरेको हो।

कम्पनीको चुक्ता पूँजी १ अर्ब ८६ करोड ७९ लाख ६२ हजार ६ सय रुपैयाँ बराबरको सय रुपैयाँ अंकितका दरले १ करोड ८६ लाख ७९ हजार ६ सय २६ कित्ता हकप्रद सेयर निष्कासन गर्न लागेको कम्पनीले जनाएको छ । कम्पनीले सेयरधनी सदस्यका लागि १ः१ को अनुपातमा हकप्रद सेयर निष्कासन गर्न लागेको हो । कम्पनीले सेयर निष्कासन गरी बाँडफाँड गर्न मुक्तिनाथ क्यापिटल लिमिटेडलाई बिक्री प्रबन्धक तोकिएको छ ।

कम्पनीले संखुवासभा जिल्ला भएर बग्ने पिलुवा खोलामा निर्माण गरेको ३ मेगावाटको पिलुवा खोला साना जलविद्युत् आयोजना कम्पनीले निर्माण गरेको पहिलो आयोजना हो । यस आयोजनबाट २०६०, असोज १ गतेदेखि व्यावसायिक उत्पादन भइरहेको छ । आयोजनाबाट उत्पादित विद्युतले नेपालका पूर्वी पहाडी जिल्लाहरूलाई लोडसेडिङमुक्त बनाउन ठूलो योगदान गरिरहेको छ ।

त्यसैगरी, कम्पनीले ताप्लेजुङ, पाँचथर सिमाना भएर बग्ने काबेली खोलामा ९.९४ मेगावाट क्षमता भएको काबेली बी–१ क्यासकेड जलविद्युत आयोजनाको निर्माण सम्पन्न गरी २०७८ साल चैत १२ गतेदेखि व्यावसायिक उत्पादन सुरु गरेको छ ।

प्रकाशित मिति: शनिबार, फागुन १२, २०८० १९:१०

प्रतिक्रिया दिनुहोस्