'सामाजिक न्यायसहितको आर्थिक समृद्धिका लागि राजनीतिक दल एकजुट बनौँ'

गतिविधिहरु

गृहपृष्ठ
गतिविधिहरु
'सामाजिक न्यायसहितको आर्थिक समृद्धिका लागि राजनीतिक दल एकजुट बनौँ'

'सामाजिक न्यायसहितको आर्थिक समृद्धिका लागि राजनीतिक दल एकजुट बनौँ'

मंगलबार, फागुन २३, २०७९ निर्माणपाटी संवाददाता

काठमाडौं। नेकपा (एकीकृत समाजवादी)का अध्यक्ष माधवकुमार नेपालले मुलुकमा सामाजिक न्यायसहित आर्थिक समृद्धि हासिल गर्ने कार्यदिशामा सबै राजनीतिक दल एकताबद्ध हुनुपर्ने बताएका छन्।

होली पर्वका अवसरमा शुभकामना सन्देश जारी गर्दै उनले स्वदेश तथा विदेशमा रहेका सम्पूर्ण नेपालीको सुख, शान्ति, समृद्धि र प्रगतिको कामना गर्दै आर्थिक समृद्धि र राजनीतिक उपलब्धिको रक्षाका लागि एकजुट हुनुपर्ने बताए।

मुलुकमा विविध जाति, समुदायका फरक–फरक पर्व र संस्कृतिले राष्ट्रलाई सांस्कृतिक रुपमा सम्पन्न बनाएको उल्लेख गरिएको उनले यसको संरक्षणबाट नेपाली समाजलाई एकताबद्ध गर्न सहयोग पुग्ने विश्वास व्यक्त गरे ।

सबै समुदायका चाडपर्वले सम्पूर्ण नेपालीबीच एकापसमा सदभाव कायम गर्ने हुँदा त्यसको महत्व र विशेषतालाई प्रवद्र्धनका लागि उनले जोड दिए । अध्यक्ष नेपालले जनताको सात दशक लामो सङ्घर्षले प्राप्त भएका राजनीतिक प्रणालीविरुद्ध भइरहेका गतिविधिप्रति चनाखो हुनुपर्ने बताए।

प्रकाशित मिति: मंगलबार, फागुन २३, २०७९ १०:०२

प्रतिक्रिया दिनुहोस्