आजको मौसम कहाँ कहाँ हुँदैछ मुसलधारे वर्षा?

गतिविधिहरु

गृहपृष्ठ
गतिविधिहरु
आजको मौसम कहाँ कहाँ हुँदैछ मुसलधारे वर्षा?

आजको मौसम कहाँ कहाँ हुँदैछ मुसलधारे वर्षा?

शुक्रबार, असार ८, २०८० निर्माणपाटी संवाददाता

काठमाडौं। हाल देशको पूर्वी तथा मध्य भू–भागमा मनसुनी प्रणालीको प्रभाव रहेको छ भने बाँकी भू–भागमा पश्चिमी वायुको आंसिक प्रभाव रहेको छ ।

कोशी प्रदेशलगायत देशका पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदलीदेखि मौसम सामान्यतया सफा रहने महाशाखाको भनाइ छ।

बागमती र गण्डकी प्रदेशका केही स्थानहरूमा र बाँकी पहाडी भू–भागका थोरै स्थानहरुमा मेघ–गर्जनचट्याङ्ग सहित हल्कादेखि मध्यम वर्षाको सम्भावना रहेको छ । कोशी प्रदेशका केही भागमा मुशलधारे वर्षाको सम्भावना रहेको महाशाखाले जनाएको छ ।

त्यस्तै, शुक्रबार राती कोशी प्रदेशलगायत देशका पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदलीदेखि मौसम सामान्यतया सफा रहनेछ। कोशी प्रदेश लगायत बागमती र गण्डकी प्रदेशको पहाडी भू(भागका केही स्थानहरूमा मेघ(गर्जनरचट्याङ्गसहित हल्कादेखि मध्यम वर्षाको सम्भावना रहेको छ ।

साथै मधेश प्रदेशसहित देशका बाँकी पहाडी भू–भागका एक–दुई स्थानमा मेघ–गर्जन चट्याङ्गसहित क्षणिक वा हल्का वर्षाको सम्भावना रहेको छ ।

प्रकाशित मिति: शुक्रबार, असार ८, २०८० ०८:०१

प्रतिक्रिया दिनुहोस्