अर्थमन्त्री पुनले गरे ४० बढी नेपाली राजदूत तथा कूटनीतिक नियोग प्रमुखसँग बैठक

राष्ट्रिय

गृहपृष्ठ
राष्ट्रिय
अर्थमन्त्री पुनले गरे ४० बढी नेपाली राजदूत तथा कूटनीतिक नियोग प्रमुखसँग बैठक

अर्थमन्त्री पुनले गरे ४० बढी नेपाली राजदूत तथा कूटनीतिक नियोग प्रमुखसँग बैठक

शनिबार, चैत १७, २०८० निर्माणपाटी संवाददाता

काठमाण्डौं। अर्थमन्त्री वर्षमान पुनले विदेशस्थित ४० बढी नेपाली राजदूत तथा कूटनीतिक नियोग प्रमुखहरुसँग भर्चुअल बैठक गरेका छन्। वैशाखमा हुने लगानी सम्मेलनको तयारीका लागि मन्त्री पुनले राजदूतहरुसँग छलफल गरेका हुन् ।

जुम बैठकका लागि मन्त्री पुन शुक्रबार साँझ अबेर परराष्ट्र मन्त्रालय गएका थिए । बैठकमा मुख्यसचिव बैठकुण्ठ अर्याल, परराष्ट्रसचिव सेवा लम्साल र लगानी बोर्डका प्रमुख कार्यकारी अधिकृत (सीईओ) सुशील भट्टलगायत सहभागी थिए।

मन्त्री पुनले राजदूत र नियोग प्रमुखहरुलाई अबको एक महिना लगानी सम्मेलन केन्द्रित भएर काम गर्न प्रधानमन्त्रीका तर्फबाट निर्देशन दिए ।

मन्त्री पुनले विदेशी विकास साझेदार, ठूला लगानीकर्ता, सम्भावित लगानीकर्ता, कार्यक्रमका वक्ता र उच्च पदस्थ सरकारी व्यक्तित्वहरुलाई यसअघि नै निम्ता पठाइसकिएको स्मरण गर्दै सम्मेलनमा आउन निश्चित भएकाहरुको सूची तयार पारेर पठाउन निर्देशन दिएका थिए ।

लगानीमैत्री वातावरण बनाउन सरकारले नीतिगत, प्रक्रियागत र कानूनी सुधारको काम अघि बढाएको बताए । त्यसका लागि एक दर्जन बढी कानूनमा संशोधनमार्फत सुधारको प्रक्रिया अघि बढाइएको विषयमा आफू रहेको देशका लगानीकर्ता र सरकारी एजेन्सीहरुलाई जानकारी गराउन पनि मन्त्री पुनले आग्रह गरे ।

प्रकाशित मिति: शनिबार, चैत १७, २०८० १६:०३

प्रतिक्रिया दिनुहोस्