प्रतिनिधिसभा बैठक बस्दै, यस्ता छन् सम्भावित कार्यसूची

राष्ट्रिय

गृहपृष्ठ
राष्ट्रिय
प्रतिनिधिसभा बैठक बस्दै, यस्ता छन् सम्भावित कार्यसूची

प्रतिनिधिसभा बैठक बस्दै, यस्ता छन् सम्भावित कार्यसूची

मंगलबार, चैत २७, २०८० निर्माणपाटी संवाददाता

काठमाडौं । आज संघीय संसद्अन्तर्गत प्रतिनिधि सभाको बस्दैछ। संघीय संसद् भवन नयाँ बानेश्वरमा बिहान ११ बजे बैठक बस्दैछ।

बैठकमा उपप्रधान तथा गृहमन्त्री रवि लामिछानेले राजनीतिक दलसम्बन्धी (दोस्रो संशोधन) विधेयक २०८० माथि विचार गरियोस् भन्ने प्रस्ताव प्रस्तुत गर्ने कार्यसूची रहेको छ।

यद्यपि सहकारीको निक्षेप अपचलनमा गृहमन्त्रीसमेतको संलग्नता रहेको भन्दै संसदीय छानबिन समिति माग गरिरहेको प्रमुख प्रतिपक्षी दल नेपाली कांग्रेसले उनलाई रोष्ट्रममा जान नदिने बताएको छ।

आजै प्रधानमन्त्री पुष्पकमल दाहाल ‘प्रचण्ड’ले राष्ट्रिय प्राकृतिक स्रोत तथा वित्त आयोगको पाँचौँ वार्षिक प्रतिवेदन २०८० पेस गर्ने कार्यसूची रहेको छ ।

यसैगरी उर्जा, जलस्रोत तथा सिँचाइमन्त्री शक्तिबहादुर बस्नेतले अन्तर्राष्ट्रिय सौर्य गठबन्धनको स्थापनासँग सम्बन्धित सम्झौताको प्रावधानमाथि सदनमा छलफल गरियोस् भन्ने प्रस्ताव प्रस्तुत गर्ने कार्यसूची रहेको संसद् सचिवालयले जानकारी दिएको छ।

उद्योग, वाणिज्य तथा आपूर्तिमन्त्री दामोदर भण्डारीले राष्ट्रियसभामा उत्पत्ति भएको विद्युतीय व्यापार विधेयक, २०८० माथि विचार गरियोस् भन्ने प्रस्ताव प्रस्तुत गर्ने कार्यसूची छ।

प्रकाशित मिति: मंगलबार, चैत २७, २०८० ०८:५६

प्रतिक्रिया दिनुहोस्