आजको मौसमः यी स्थानमा हल्कादेखि मध्यम वर्षा

गतिविधिहरु

गृहपृष्ठ
गतिविधिहरु
आजको मौसमः यी स्थानमा हल्कादेखि मध्यम वर्षा

आजको मौसमः यी स्थानमा हल्कादेखि मध्यम वर्षा

सोमबार, जेठ २१, २०८१ निर्माणपाटी संवाददाता

काठमाडौं। देशका केही क्षेत्रमा सोमबार बिहानैदेखि वर्षा भइरहेको छ। मौसम पूर्वानुमान महाशाखाका अनुसार कोशी र गण्डकी प्रदेशका एकदुई स्थानमा मेघगर्जन र चट्याङसहित हल्का वर्षा भइरहेको छ। देशका पहाडी भूभागमा बिहान आंशिकदेखि साधारणतया बदली छ। बाँकी भूभागमा आंशिक बदलीदेखि मुख्यतया मौसम सफा छ।

दिउँसो कोशी, मधेश, बागमती, गण्डकी र कर्णाली प्रदेशलगायत पहाडी भूभागमा आंशिकदेखि साधारणतया बदली रहने अनुमान छ। बाँकी भूभागमा आंशिक बदलीदेखि मौसम मुख्यतया सफा रहनेछ। कोशी, मधेश, बागमती, गण्डकी र कर्णाली प्रदेशका थोरै स्थानमा तथा बाँकी भूभागका एकदुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ।

लुम्बिनी प्रदेशका एकदुई स्थानमा हावाहुरीको सम्भावना छ। उच्च पहाडी तथा हिमाली भूभागका एकदुई स्थानमा हल्का हिमपातको सम्भावना छ।

प्रकाशित मिति: सोमबार, जेठ २१, २०८१ ०७:०९

प्रतिक्रिया दिनुहोस्