ढोरपाटन नगरपालिकाका मेयर नेपालीविरुद्ध सम्पत्ति शुद्धीकरणको पनि मुद्दा दायर

राष्ट्रिय

गृहपृष्ठ
राष्ट्रिय
ढोरपाटन नगरपालिकाका मेयर नेपालीविरुद्ध सम्पत्ति शुद्धीकरणको पनि मुद्दा दायर

ढोरपाटन नगरपालिकाका मेयर नेपालीविरुद्ध सम्पत्ति शुद्धीकरणको पनि मुद्दा दायर

शनिबार, असोज २५, २०८२ निर्माणपाटी संवाददाता

बागलुङ । बागलुङको ढोरपाटन नगरपालिकाका मेयर देवकुमार नेपाली विरुद्ध सरकारले सम्पत्ति शुद्धीकरणको पनि मुद्दा दायर गरेको छ ।

सहकारी ठगी अभियोगमा पुर्पक्षका लागि थुनामा रहेका मेयर नेपाली विरुद्ध बागलुङको जिल्ला सरकारी वकिलको कार्यालयले सम्पत्ति शुद्धीकरणको पनि मुद्दा दायर गरेको हो ।

नेपालीविरुद्ध एक अर्ब ५८ करोड रुपैयाँ विगो मागदावी सहित मुद्दा दायर गरिएको छ । उनीमाथि बागलुङको इमेज सहकारी संस्थाको रकम हिनामिना गरी गैरकानूनी सम्पत्ति कमाएको आरोप छ ।

पहिले सहकारी ठगीमा मात्र मुद्दा दर्ता गरिएका नेपालीलाई बिहीबार सम्पत्ति शुद्धीकरण मुद्दा पनि दर्ता गरिएको सरकारी वकिल कार्यालय बागलुङले जनाएको छ ।

सहकारी ठगी छानबिन प्रतिवेदन र प्रहरीले सहकारी ठगी, सम्पत्ति शुद्धीकरण र संगठित अपराध गरी तीन वटा मुद्दा चलाउन सिफारिस गरिएको भएपनि यसअघि सहकारी ठगीमा मात्र मुद्दा दर्ता गरिएको थियो ।

प्रकाशित मिति: शनिबार, असोज २५, २०८२ १७:२५

प्रतिक्रिया दिनुहोस्